అస్సలు అనుకోలేదు, నేను ఎంతగానో ఆస్వాదిస్తున్న బ్లాగింగుకి ఇన్నాళ్ళు విరామం ఇవ్వాల్సి వస్తుందని. అతి కొద్ది రోజులు మాత్రమే అనుకున్నది అలా అలా పెరిగి పెద్దై ఇన్నాళ్ళకి చేరింది. వ్యక్తిగత, వృత్తిగత జీవితాలలో ఆకస్మికంగా వచ్చిన మార్పులు నన్ను బ్లాగులకి దూరంగా ఉండాల్సి వచ్చేలా చేశాయి. రాయడానికే కాదు, బ్లాగులు చదవడానికీ తీరిక లేని పరిస్థితి. ఇన్నాళ్ళ తర్వాత ఒక్కసారి బ్లాగులు ఓపెన్ చేయగానే "కొండలా కోర్సు ఉంది.. " పాట గుర్తొచ్చేసింది, అప్రయత్నంగా.
నా క్షేమాన్ని తెలుపమంటూ మిత్రులు రాసిన వ్యాఖ్యలు, ఉత్తరాలు చూడగానే యెంత సంతోషం కలిగిందో చెప్పలేను. అదే సమయంలో విరామాన్ని గురించి ఒక్క మాటైనా చెప్పలేక పోయినందుకు నామీద నాకే కోపం వచ్చింది. నిజానికి ఇంత గ్యాప్ వస్తుందని నేనూ ఊహించలేదు. అనుకోకుండా అలా జరిగిపోయింది. నా టపాలకి వ్యాఖ్యలు రాసిన మిత్రులకి జవాబులు ఇవ్వాలి, ఇన్నాళ్ళూ పెండింగ్ పెట్టిన టపాలన్నీ చదవాలి.. అమ్మో.. చాలా పని ఉందిప్పుడు. ఇంతకీ నేను చెప్పాలని అనుకున్నది ఏమిటంటే ... నేను వచ్చేశాను.
